08.06.18
Fitch staðfestir óbreytta A lánshæfiseinkunn ríkissjóðs með stöðugum horfum

Matsfyrirtækið Fitch staðfesti í dag lánshæfiseinkunn ríkissjóðs fyrir langtímaskuldir í erlendri mynt sem A með stöðugum horfum. Samkvæmt matsfyrirtækinu endurspeglar þessi einkunn á annan bóginn háar þjóðartekjur, sterkar stofnanir, góð lífskjör og gott viðskiptaumhverfi og á hinn bóginn að hagkerfið reiðir sig að stórum hluta á hrávörur í útflutningi og er næmt fyrir ytri áföllum auk fyrri reynslu af sveiflum í efnahags- og fjármálum.

Stöðugar horfur endurspegla svipaðar líkur á hækkun og lækkun lánshæfiseinkunnarinnar.

Eftirfarandi þættir gætu hvor um sig eða saman leitt til hækkunar:

  • Áframhaldandi lækkun skulda hins opinbera og ábyrg stefna í ríkisfjármálum.
  • Áframhaldandi bati ytri stöðu þjóðarbúsins og og geta þess til þess að mæta ytri áföllum.

Eftirfarandi þættir gætu hvor um sig eða saman leitt til lækkunar:

  • Vísbendingar um ofhitnun hagkerfisins í formi víxlverkunar verðlags og launa, verðbólguskots og tilheyrandi afleiðingar fyrir efnahagsreikninga heimila og fyrirtækja.
  • Mikið útflæði fjármagns sem leiðir til ytra ójafnvægis og þrýstings á gengi krónunnar.

Skýrsla Fitch

Aðrar fréttir

Skiptiútboð óverðtryggðra ríkisbréfa RIKB 20 0205 fyrir RIKB 19 0226

Föstudaginn 19. október kl. 11:00 fer fram útboð hjá Lánamálum ríkisins með tilboðsfyrirkomulagi. 

Boðin verða til sölu óverðtryggð bréf í flokkunum RIKB 20 0205. Heildarfjárhæð samþykktra tilboða verður tilkynnt að loknu útboði. 

Athugið að aðeins er hægt að kaupa bréf í RIKB 20 0205 með sölu á RIKB 19 0226, sem fellur á gjalddaga 26. febrúar 2019. Lánamál ríkisins kaupa RIKB 19 0226 á fyrirfram ákveðnu verði þ.e. hreina verðinu 101,219 (106,972425 með áföllnum vöxtum m.v. 100 kr. nafnverðseiningu) m.v. uppgjör 24. október 2018. Til skýringar þá jafngildir verðið 4,93% í ávöxtunarkröfu. Andvirði bréfanna ásamt áföllnum vöxtum kemur þá sem greiðsla fyrir kaupum á nýjum bréfum.

Fréttatilkynning (pdf)
Útboðsskilmálar (pdf)

Niðurstöður viðbótarútgáfu RIKB 22 1026

Samkvæmt 5. grein í skilmálum um útboð ríkisbréfa, sem haldið var 21. september stóð aðalmiðlurum til boða að kaupa 10% af andvirði þess sem selt var í útboðinu á söluverði samþykktra tilboða. Að þessu sinni nýttu aðalmiðlarar sér ekki kaupréttinn. Heildarstærð eftir útboðið í RIKB 22 1026 er nú 88.182.800.000 kr. að nafnvirði.  Uppgjör er 26. september 2018.