23.11.18
Ríkissjóður kaupir eigin bréf fyrir 24 ma.kr.

Ríkissjóður keypti í vikunni eigin skuldabréf af Seðlabanka Íslands samtals að fjárhæð 24 ma.kr. Um er að ræða óverðtryggð ríkisbréf í flokkunum RIKB 20, RIKB 22, RIKB 25 og RIKB 31 fyrir samtals um 22,5 ma.kr. að nafnvirði og í flokknum RIKS 21 fyrir um 0,3 ma.kr. að nafnvirði. Uppgjör viðskipta fer fram í dag.

Heildarkaupverð bréfanna með áföllnum vöxtum nemur um 25 ma.kr. Kaupin eru annars vegar fjármögnuð með andvirði stöðugleikaeigna eða 17,5 ma.kr. og hins vegar með lækkun á almennri sjóðsstöðu ríkissjóðs um 7,5 ma.kr.  Ríkissjóður mun í kjölfarið innleysa bréfin og lækka útistandandi skuldir um samsvarandi fjárhæð.

Eftir þessi viðskipti nema heildarskuldir ríkissjóðs um 843 ma.kr., eða sem samsvarar rétt rúmlega 30% af landsframleiðslu. Hrein staða ríkissjóðs reiknuð á grundvelli laga um opinber fjármál, þ.e. þegar sjóðir og innstæður eru dregnar frá heildarskuldum, nemur eftir viðskiptin um 653 ma.kr., eða sem nemur um 23% af VLF.

Aðrar fréttir

12.11.19
Ríkisbréf
Niðurstöður viðbótarútgáfu RIKB 21 0805

Samkvæmt 6. grein í almennum útboðsskilmálum ríkisbréfa, sem haldið var 8. nóvember stóð aðalmiðlurum til boða að kaupa 10% af andvirði þess sem selt var í útboðinu á söluverði samþykktra tilboða. Að þessu sinni nýttu aðalmiðlarar sér ekki kaupréttinn í RIKB 21 0805. Heildarstærð eftir útboðið í RIKB 21 0805 er nú 8.775.000.000 kr. að nafnvirði.  Uppgjör er 13. nóvember 2019.

Tilkynning um útboð ríkisbréfa - RIKB 21 0805
Flokkur RIKB 21 0805
ISIN IS0000031482
Gjalddagi 05.08.2021
Útboðsdagur 08.11.2019
Uppgjörsdagur 13.11.2019
10% viðbót 12.11.2019

Á útboðsdegi, milli kl. 10:30 og 11:00 fer fram útboð hjá Lánamálum ríkisins á ríkisbréfum í þeim flokki með því ISIN númeri og með þeim gjalddaga sem fram kemur í töflunni hér að ofan. Greiðsla fyrir ríkisbréfin, þarf að berast Seðlabankanum fyrir kl. 14:00 á uppgjörsdegi, og verða bréfin afhent rafrænt sama dag. Um 10% viðbót sjá 6. gr. í almennum útboðskilmálum ríkisbréfa

Til nánari upplýsinga er að öðru leyti er vísað til heimasíðu Lánamála ríkisins, þ.e. vegna lýsingar skuldabréfaflokksins og almennra útboðsskilmála ríkisbréfa.

Nánari upplýsingar veitir Oddgeir Gunnarsson, Lánamálum ríkisins í síma 569 9635.