24.05.19
Fitch ratings hækkar skammtímaeinkunnir ríkissjóðs í F1+

Fitch ratings hækkar skammtímaeinkunnir ríkissjóðs í F1+ og staðfestir langtímaeinkunnir sem A með stöðugum horfum

Fitch ratings birti í dag mat á lánshæfi ríkissjóðs. Skammtímaeinkunnir hækka úr F1 í F1+ vegna breyttrar aðferðafræði, í framhaldi af tilkynningu fyrirtækisins frá 3. maí. Langtímaeinkunnir standa óbreyttar í A með stöðugum horfum. Fitch hækkaði einnig landsþak (e. country ceiling) úr A í A+ í ljósi þess að fjármagnshöftum hefur verið aflétt nánast að fullu.

Í fréttatilkynningu Fitch segir að gjaldþrot WOW air og aflabrestur í loðnu séu meðal þeirra þátta sem hafa breytt efnahagshorfum til hins verra í ár, en fyrirtækið býst við að hagkerfið vaxi um 2,5% árið 2020. Þá kemur fram að gengi krónunnar hafi verið tiltölulega stöðugt þrátt fyrir losun fjármagnshafta og gjaldþrot WOW air.

Áframhaldandi lækkun skuldahlutfalls hins opinbera, studd varfærinni stefnu í opinberum fjármálum, ásamt frekari bata í ytri stöðu og viðnámsþrótti hagkerfisins til að bregðast við ytri áföllum, gætu leitt til hækkunar lánshæfiseinkunnar.

Viðvarandi og skarpari niðursveifla en gert er ráð fyrir með tilheyrandi áhrifum á bankakerfið, ásamt verulegu fjármagnsútflæði sem ógnað gæti fjármálastöðugleika, gætu leitt til lækkunar lánshæfiseinkunnar.

Fréttatilkynning Fitch (pdf)

Aðrar fréttir

Tilkynning um útboð ríkisbréfa - RIKB 21 0805 - Nýr flokkur
Flokkur RIKB 21 0805
ISIN IS0000031482
Gjalddagi 05.08.2021
Útboðsdagur 20.09.2019
Uppgjörsdagur 25.09.2019
10% viðbót 24.09.2019

Á útboðsdegi, milli kl. 10:30 og 11:00 fer fram útboð hjá Lánamálum ríkisins á ríkisbréfum í þeim flokki með því ISIN númeri og með þeim gjalddaga sem fram kemur í töflunni hér að ofan. Greiðsla fyrir ríkisbréfin, þarf að berast Seðlabankanum fyrir kl. 14:00 á uppgjörsdegi, og verða bréfin afhent rafrænt sama dag. Um 10% viðbót sjá 6. gr. í almennum útboðskilmálum ríkisbréfa

Til nánari upplýsinga er að öðru leyti er vísað til heimasíðu Lánamála ríkisins, þ.e. vegna lýsingar skuldabréfaflokksins og almennra útboðsskilmála ríkisbréfa.

Nánari upplýsingar veitir Oddgeir Gunnarsson, Lánamálum ríkisins í síma 569 9635.

Lýsing á ríkisskuldabréfinu RIKB 21 0805

10.09.19
Ríkisbréf
Niðurstöður viðbótarútgáfu RIKB 28 1115 og RIKS 26 0216

Samkvæmt 5. grein í skilmálum um útboð ríkisbréfa, sem haldið var 6. september stóð aðalmiðlurum til boða að kaupa 10% af andvirði þess sem selt var í útboðinu á söluverði samþykktra tilboða. Að þessu sinni nýttu aðalmiðlarar sér ekki kaupréttinn í RIKB 28 1115 en nýttu sér kaupréttinn í RIKS 26 0216 fyrir 110 m.kr. Heildarstærð eftir útboðið í RIKB 28 1115 er nú 65.401.601.519 kr. og RIKS 26 0216 er nú 20.282.700.000 kr. að nafnvirði.  Uppgjör er 11. september 2019.

Aukin fyrirgreiðsla verðbréfalána

Fyrirgreiðsla Lánamála ríkisins til aðalmiðlara ríkisverðbréfa.


Með vísan til samnings í tengslum við útgáfu ríkisverðbréfa og viðskiptavaktar á eftirmarkaði dags. 14. mars 2019 hefur verið ákveðið að auka fyrirgreiðslu í RIKS 26 0216 til hvers aðalmiðlara úr 1 ma.kr. í 2 ma.kr. að nafnverði. Breytingin tekur gildi miðvikudaginn 11. september.