01.04.15
Stefna í lánamálum ríkisins 2015-2018

Fjármála- og efnahagsráðuneytið hefur birt stefnu í lánamálum ríkisins 2015 – 2018. Er þetta í fimmta sinn sem slík stefna er birt. Helstu breytingar sem orðið hafa frá síðustu útgáfu snúa að hlutfalli skulda af vergri landsframleiðslu (VLF). Markmiðið er nú að hlutfallið sé undir 60% í lok árs 2018 og til lengri tíma er stefnt að því að hlutfallið verði ekki hærra en 45% af VLF. Þá er markmið um meðallánstíma lánasafnsins hækkað í 5 ár að lágmarki og hlutfall lána ríkissjóðs sem gjaldfalla á hverju almanaksári skulu að hámarki nema 15% af VLF. Viðmiðunarreglur fyrir samsetningu lánasafns ríkissjóðs eru þrengdar þannig að þær verða 70-90% fyrir óverðtryggð lán og 15-30% fyrir verðtryggð lán.  

Stefna í lánamálum (pdf) 

Aðrar fréttir

Tilkynning um útboð ríkisvíxla - RIKV 20 0715 - RIKV 21 0115 - RIKV 20 0513
Flokkur RIKV 20 0715 RIKV 21 0115 RIKV 20 0513
ISIN IS0000031623 IS0000031797 IS0000031847
Gjalddagi 15.07.2020 15.01.2021 13.05.2020
Útboðsdagur 30.03.2020 30.03.2020 30.03.2020
Uppgjörsdagur 01.04.2020 01.04.2020 01.04.2020

Á útboðsdegi, á milli kl. 10:30 og 11:00, fer fram útboð hjá Lánamálum ríkisins á ríkisvíxlum í þeim flokki, með því ISIN númeri og með þeim gjalddaga sem fram kemur í töflunni hér að ofan. Greiðsla fyrir ríkisvíxlana þarf að berast Seðlabankanum fyrir kl. 14:00 á uppgjörsdegi og verða bréfin afhent rafrænt sama dag.

Að öðru leyti er vísað til almennrar lýsingar íslenskra ríkisvíxla og almennra útboðsskilmála á heimasíðu Lánamála ríkisins.

Nánari upplýsingar veitir Oddgeir Gunnarsson, Lánamálum ríkisins í síma 569 9635.

Aukin fyrirgreiðsla verðbréfalána

Fyrirgreiðsla Lánamála ríkisins til aðalmiðlara ríkisverðbréfa.

Með vísan til samnings í tengslum við útgáfu ríkisverðbréfa og viðskiptavaktar á eftirmarkaði dags. 14. mars 2019 hefur verið ákveðið að auka fyrirgreiðslu í RIKB 21 0805 til hvers aðalmiðlara úr 1 ma.kr. í 2 ma.kr. að nafnverði. Breytingin tekur gildi miðvikudaginn 25. mars.

24.03.20
Ríkisbréf
Niðurstöður viðbótarútgáfu RIKB 21 0805

Í tengslum við útboð sem haldið var 20. mars stóð aðalmiðlurum til boða, samkvæmt 6. grein í almennum útboðsskilmálum ríkisbréfa, að kaupa 10% af andvirði þess sem selt var í útboðinu á söluverði samþykktra tilboða. Að þessu sinni nýttu aðalmiðlarar sér kaupréttinn í RIKB 21 0805 fyrir 142,5 m.kr. að nafnverði. Uppgjör er 25. mars 2020 og heildarstærð flokksins verður þá 21.599.000.000 kr. að nafnvirði.