07.02.18
Uppkaup ríkisbréfa RIKH 18 1009

Ákveðið hefur verið að halda ekki útboð á ríkisbréfum föstudaginn 9. febrúar 2018.  Þess í stað verða uppkaup kl. 10:30 til 11:00 með tilboðsfyrirkomulagi. Ríkissjóður býðst til að kaupa til baka óverðtryggð bréf í flokknum RIKH 18 1009 sem er með lokagjalddaga 9. október 2018. Tilgangur uppkaupanna er að minnka stærð flokksins sem nú er um 50 ma.kr. og draga þar með úr endurfjármögnunaráhættu ríkissjóðs á lokagjalddaga flokksins. 

Fréttatilkynning (pdf)
Uppkaupsskilmálar (pdf)

Aðrar fréttir

Skiptiútboð óverðtryggðra ríkisbréfa RIKB 20 0205

Föstudaginn 18. maí kl. 11:00 fer fram útboð hjá Lánamálum ríkisins með tilboðsfyrirkomulagi. 

Boðin verða til sölu óverðtryggð bréf í flokknum RIKB 20 0205. Heildarfjárhæð samþykktra tilboða verður tilkynnt að loknu útboði. 

Athugið að aðeins er hægt að kaupa bréf í RIKB 20 0205 með sölu á RIKB 19 0226, sem fellur á gjalddaga 26. febrúar 2019. Lánamál ríkisins kaupa RIKB 19 0226 á fyrirfram ákveðnu verði þ.e. hreina verðinu 103,090 (105,151644 með áföllnum vöxtum m.v. 100 kr. nafnverðseiningu) m.v. uppgjör 23. maí 2018. Til skýringar þá jafngildir verðið 4,50% í ávöxtunarkröfu. Andvirði bréfanna ásamt áföllnum vöxtum kemur þá sem greiðsla fyrir kaupum á nýjum bréfum.

Í ljósi stærðar RIKB 20 0205 eru fjárfestar hvattir til þess að nýta sér þetta tækifæri til að taka þátt í skiptiútboðinu og eignast bréf í flokknum.

Fréttatilkynning (pdf)
Útboðsskilmálar (pdf)

Niðurstöður viðbótarútgáfu RIKB 28 1115 og RIKB 22 1026

Samkvæmt 5. grein í skilmálum um útboð ríkisbréfa, sem haldið var 4. maí stóð aðalmiðlurum til boða að kaupa 10% af andvirði þess sem selt var í útboðinu á söluverði samþykktra tilboða. Að þessu sinni nýttu aðalmiðlarar sér kaupréttinn í RIKB 28 1115 fyrir 120 m.kr. og í RIKB 22 1026 fyrir 142 m.kr. að nafnvirði. Heildarstærð eftir útboðið í RIKB 28 1115 er nú 53.868.601.519 kr. og RIKB 22 1026 er nú 81.602.800.000 kr. að nafnvirði .  Uppgjör er 9. maí 2018.