07.12.18
Matsfyrirtækið S&P Global staðfestir óbreytta A/A-1 lánshæfiseinkunn ríkissjóðs

Matsfyrirtækið S&P Global staðfesti í dag óbreytta A/A-1 lánshæfiseinkunn ríkissjóðs fyrir langtíma- og skammtímaskuldbindingar í erlendum og innlendum gjaldmiðli með stöðugum horfum. Samkvæmt matsfyrirtækinu S&P Global hefur ytri staða og ríkisfjármál á Íslandi styrkst á umliðnum árum. Smæð og samþjöppun hagkerfisins gerir það hins vegar að verkum að það er viðkvæmt fyrir þróun ytri þátta og mögulegri ofhitnun af völdum innlendra þátta. Matsfyrirtækið gerir ráð fyrir að draga muni úr hagvexti á komandi árum eftir því sem hægir á vexti ferðaþjónustugeirans.

Með stöðugum horfum vegast á betri árangur á sviði ríkisfjármála og greiðslujafnaðar en vænst var, á móti því hve hagkerfið er háð þróun alþjóðaviðskipta, og hættu á að innlenda hagkerfið ofhitni á ný vegna komandi kjarasamninga 2019.

Matið getur hækkað ef ríkisfjármál og ytri staða batna umfram væntingar næstu tvö árin. Lánshæfiseinkunn gæti lækkað ef áhætta tengd fjármálastöðugleika eða viðskiptajöfnuði raungerist meira en reiknað er með á sama tímabili. Til að mynda gæti ofhitnum hagkerfisins haft neikvæð áhrif á samkeppnishæfi og hagvöxt til lengri tíma. Hið sama gæti átt við ef búsifjar verða í ferðaþjónustugeiranum með neikvæðum áhrifum á greiðslujöfnuð og bankakerfið. Hið síðastnefnda gæti einnig haft áhrif á húsnæðismarkaðinn í ljósi áhrifa ferðaþjónustugeirans á uppbyggingu í byggingageiranum undanfarin ár.

Skýrsla S&P

Aðrar fréttir

Tilkynning um útboð ríkisbréfa - RIKB 21 0805 - RIKS 26 0216
Flokkur RIKB 21 0805 RIKS 26 0216
ISIN IS0000031482 IS0000030732
Gjalddagi 05.08.2021 16.02.2026
Útboðsdagur 03.07.2020 03.07.2020
Uppgjörsdagur 08.07.2020 08.07.2020
10% viðbót 07.07.2020 07.07.2020

Á útboðsdegi, milli kl. 10:30 og 11:00, fer fram útboð hjá Lánamálum ríkisins á ríkisbréfum í þeim flokkum, með þeim ISIN númerum og með þeim gjalddögum sem fram koma í töflunni hér að ofan. Greiðsla fyrir ríkisbréfin þarf að berast Seðlabankanum fyrir kl. 14:00 á uppgjörsdegi og verða bréfin afhent rafrænt sama dag. Um 10% viðbót sjá 6. gr. í almennum útboðskilmálum ríkisbréfa.

Til nánari upplýsinga er að öðru leyti vísað til heimasíðu Lánamála ríkisins, þ.e. vegna lýsingar skuldabréfaflokksins og almennra útboðsskilmála ríkisbréfa.

Nánari upplýsingar veitir Laufey Ómarsdóttir, Lánamálum ríkisins í síma 569 9631.

30.06.20
Ársyfirlit
Ársfjórðungsáætlun í lánamálum ríkissjóðs

Þriðji ársfjórðungur 2020

  • Á þriðja ársfjórðungi verða boðin til sölu ríkisbréf í markflokkum fyrir 40-60kr. að söluvirði[1].
  • Flokkar sem mögulega verða boðnir út eru allir markflokkar ríkisbréfa ásamt RIKS 33 0321[2] og munu markaðsaðstæður ráða því hvort og þá hve mikið verður selt í hverjum flokki.
  • Útgáfa á nýjum óverðtryggðum flokki með gjalddaga árið 2023, sem áætlað var að gefa út á næsta ári, verður flýtt og verður stefnt á viðskiptavakt með flokkinn.

[1] Með söluvirði er átt við hreint verð (clean price) með áföllnum verðbótum á höfuðstól þ.e. verð með verðbótum án áfallinna vaxta.

[2] Ath. að þessi flokkur heyrir ekki undir markflokkakerfið og því ekki um að ræða skipulega viðskiptavakt með flokkinn

3.ársfj.áætlun 2020.pdf

Tilkynning um útboð ríkisvíxla - RIKV 20 0915
Flokkur RIKV 20 0915
ISIN IS0000032001
Gjalddagi 15.09.2020
Útboðsdagur 29.06.2020
Uppgjörsdagur 01.07.2020

Á útboðsdegi, á milli kl. 10:30 og 11:00, fer fram útboð hjá Lánamálum ríkisins á ríkisvíxlum í þeim flokki, með því ISIN númeri og með þeim gjalddaga sem fram kemur í töflunni hér að ofan. Greiðsla fyrir ríkisvíxlana þarf að berast Seðlabankanum fyrir kl. 14:00 á uppgjörsdegi og verða bréfin afhent rafrænt sama dag.

Að öðru leyti er vísað til almennrar lýsingar íslenskra ríkisvíxla og almennra útboðsskilmála á heimasíðu Lánamála ríkisins.

Nánari upplýsingar veitir Laufey Ómarsdóttir, Lánamálum ríkisins í síma 569 9631.