17.05.19
Matsfyrirtækið S&P Global Ratings hefur staðfest A/A-1 lánshæfiseinkunnir ríkissjóðs

Alþjóðlega matsfyrirtækið S&P Global Ratings hefur staðfest A/A-1 lánshæfiseinkunnir ríkissjóðs Íslands með stöðugum horfum. S&P reiknar með neikvæðum hagvexti á yfirstandandi ári vegna samdráttar í komum ferðamanna til landsins. Spá fyrirtækisins gerir einnig ráð fyrir að afgangur á viðskiptajöfnuði snúist í halla, en að hagkerfið taki við sér á nýjan leik á árinu 2020.

Stöðugar horfur endurspegla viðnámsþrótt hagkerfisins bæði á sviði ríkisfjármála sem og í ytri stöðu þjóðarbúsins sem vega á móti sveiflum í smáu opnu hagkerfi og mögulega snörpum samdrætti í ferðaþjónustu.

Fram kemur í fréttatilkynningu S&P að lánshæfismat ríkissjóðs gæti hækkað ef staða opinberra fjármála og erlend staða þjóðarbúsins styrkist verulega á næstu árum umfram það sem fyrirtækið gerir ráð fyrir. Þá gæti lánshæfismat ríkissjóðs lækkað ef merki sjást um vaxandi þrýsting á greiðslujöfnuð eða að fjármálastöðugleika sé ógnað á næstu tveimur árum. Það gæti orðið afleiðing af dýpri niðursveiflu í ferðaþjónustu en reiknað er með.

Fréttatilkynning S&P Global Ratings (pdf)

Aðrar fréttir

Markaðsupplýsingar í ágúst 2019

Sérrit fylgir Markaðsupplýsingum
Þessu tölublaði Markaðsupplýsinga fylgir sérrit um árstíðasveiflu í ávöxtunarkröfu ríkisskuldabréfa. Kannað er hvort að þróun ávöxtunarkröfu íslenskra 10 ára óverðtryggðra ríkisskuldabréfa og breytingar í kröfunni milli mánaða fylgi árstíðabundnu mynstri. Niðurstaða greiningarinnar er sú að árstíðasveiflur sem sjást að jafnaði í 10 ára kröfunni eru ekki tölfræðilega marktækar.

Markaðsupplýsingar (pdf)


Sérrit -markaðsupplýsingar_ágúst 2019

Tilkynning um útboð ríkisvíxla
Flokkur RIKV 20 0205
ISIN IS0000031292
Gjalddagi 05.02.2020
Útboðsdagur 30.07.2019
Uppgjörsdagur 01.08.2019

Á útboðsdegi, milli kl. 10:30 og 11:00 fer fram útboð hjá Lánamálum ríkisins á ríkisvíxlum í þeim flokki með því ISIN númeri og með þeim gjalddaga sem fram kemur í töflunni hér að ofan. Greiðsla fyrir ríkisvíxla, þarf að berast Seðlabankanum fyrir kl. 14:00 á uppgjörsdegi, og verða bréfin afhent rafrænt sama dag.

Að öðru leyti er vísað til almennrar lýsingar íslenskra ríkisvíxla og almennra útboðsskilmála á heimasíðu Lánamála ríkisins.

Nánari upplýsingar veitir Oddgeir Gunnarsson, Lánamálum ríkisins í síma 569 9635.