22.11.10
Samningur um lánamál endurnýjaður

Hinn 18. Október 2010 var samningur endurnýjaður milli fjármálaráðuneytis og Seðlabanka Íslands um lánaumsýslu ríkissjóðs.  Markmiðið með samningnum er að stuðla að hagkvæmri og vandaðri lánaumsýslu fyrir ríkissjóðs sem byggist á stefnumörkun fjármálaráðuneytisins í lánamálum. Í samningnum eru skilgreind verkefni er Seðlabankinn sinnir fyrir ráðuneytið í tengslum við umsýslu innlendra og erlendra lána, ríkisábyrgða og endurlána.

Samningur (pdf)

Aðrar fréttir

14.05.19
Ríkisbréf
Niðurstöður viðbótarútgáfu RIKB 28 1115

Samkvæmt 5. grein í skilmálum um útboð ríkisbréfa, sem haldið var 10. maí stóð aðalmiðlurum til boða að kaupa 10% af andvirði þess sem selt var í útboðinu á söluverði samþykktra tilboða. Að þessu sinni nýttu aðalmiðlarar sér ekki kaupréttinn í RIKB 28 1115. Heildarstærð eftir útboðið í RIKB 28 1115 er nú 59.751.601.519 kr. að nafnvirði.  Uppgjör er 15. maí 2019.

Markaðsupplýsingar í maí 2019

Við viljum vekja athygli á því að í mánaðarlegum Markaðsupplýsingum eru nú í fyrsta skipti birtar upplýsingar um verðbólguskiptasamninga sem ríkissjóður hóf að gera s.l. haust og áhrif þeirra á lánasafnið. Á bls. 5 er hægt að sjá áhrif innlendra verðbólguskiptasamninga og eins erlends vaxtaskiptasamnings sem gerður var árið 2014 á meðaltíma, vaxtasamsetningu og hlutfall verðtryggðra skulda í lánasafninu. Þessar upplýsingar munu verða birtar með reglubundnum hætti héðan í frá.

Markaðsupplýsingar (pdf)