17.03.23
Samningar undirritaðir við aðalmiðlara

Í dag var skrifað undir samninga milli Lánamála ríkisins f.h. ríkissjóðs og aðalmiðlara í tengslum við útgáfu ríkisverðbréfa og viðskiptavakt á eftirmarkaði. Markmiðið með samningunum er að viðhalda aðgengi ríkissjóðs að lánsfé og efla verðmyndun ríkisverðbréfa á eftirmarkaði.

Frá og með 1. apríl 2023 hafa fimm fjármálafyrirtæki heimild til að kalla sig „aðalmiðlara með ríkisverðbréf“. Þau eru: Arion banki hf., Fossar fjárfestingarbanki hf., Íslandsbanki hf., Kvika banki hf. og Landsbankinn hf. 

 Helstu atriði samningsins eru þessi:

  • Aðalmiðlarar hafa einir aðgang að útboðum með markflokka ríkisverðbréfa.
  • Aðalmiðlarar hafa einir aðgang að sérstakri fyrirgreiðslu, t.d. endurhverfum samningum sem Lánamál ríkisins veita fyrir hönd ríkissjóðs.
  • Aðalmiðlari skuldbindur sig til að setja fram tilboð í útboðum ríkisverðbréfa fyrir a.m.k. 100 m.kr. að nafnverði.
  • Aðalmiðlari er viðskiptavaki á eftirmarkaði fyrir alla markflokka ríkisverðbréfa og setur fram kaup- og sölutilboð að lágmarki 60 til 100 m.kr. að nafnvirði í hvern flokk í kauphöll (nánar skilgreint í samningi).
  • Aðalmiðlari skuldbindur sig til þess að halda verðmun kaup- og sölutilboða innan tiltekinna marka sem nánar eru skilgreind í samningnum.
  • Aðalmiðlara er skylt að endurnýja tilboð sín innan 10 mínútna frá því að þeim hefur verið tekið. Aðalmiðlara er heimilt að víkja út frá hámarksmun kaup- og sölutilboða ef tilteknum skilyrðum er fullnægt.
  • Samningurinn gildir frá 1. apríl 2023 til 31. mars 2024.

 Frekari upplýsingar veitir Björgvin Sighvatsson forstöðumaður Lánamála ríkisins í síma 569 9600.

Aðrar fréttir

Útboð ríkisbréfa felld niður

Það sem af er þessu ári hefur ríkissjóður gefið út ríkisbréf fyrir 44,2 ma.kr. og því eru aðeins 0,8 ma.kr. eftir til að ná markmiðum í ársfjórðungnum. Í ljósi þess hefur verið ákveðið að fella niður þau þrjú ríkisbréfaútboð sem eftir eru á fyrsta ársfjórðungi 2024.

Tilkynning um útboð ríkisvíxla - RIKV 24 0515 - RIKV 24 0821
Flokkur RIKV 24 0515 RIKV 24 0821
ISIN IS0000035699 IS0000036069
Gjalddagi 15.05.2024 21.08.2024
Útboðsdagur 19.02.2024 19.02.2024
Uppgjörsdagur 21.02.2024 21.02.2024

Á útboðsdegi, milli kl. 10:30 og 11:00, fer fram útboð hjá Lánamálum ríkisins á ríkisvíxlum í þeim flokkum, með þeim ISIN númerum og með þeim gjalddögum sem fram koma í töflunni hér að ofan. Greiðslur fyrir ríkisvíxlana þurfa að berast Seðlabankanum fyrir kl. 14:00 á uppgjörsdegi og verða bréfin afhent rafrænt sama dag.

Að öðru leyti er vísað til almennrar lýsingar íslenskra ríkisvíxla og almennra útboðsskilmála á heimasíðu Lánamála ríkisins.

Nánari upplýsingar veitir Tryggvi Freyr Harðarson, Lánamálum ríkisins í síma 569 9630.

Breyting á gildandi ársfjórðungsáætlun

Í síðustu ársfjórðungsáætlun Lánamála ríkisins sem birt var í lok síðasta árs var tilkynnt að nýr óverðtryggður flokkur ríkisbréfa með gjalddaga árið 2027 yrði gefinn út i þessum ársfjórðungi. Jafnframt var tilkynnt að ríkissjóður myndi selja ríkisbréf í markflokkum fyrir 30-45 ma.kr. að söluvirði.

Það sem af er þessu ári hefur ríkissjóður gefið út ríkisbréf fyrir 44,2 ma.kr. og því aðeins 0,8 ma.kr. eftir til að ná markmiðum í ársfjórðunginum. Í ljósi góðs árangurs við fjármögnun ríkissjóðs á innanlandsmarkaði hefur verið ákveðið að fresta útgáfu á þessum nýja markflokki fram á næsta ársfjórðung.