28.01.21
Ríkissjóður gefur út skuldabréf í evrum á 0% vöxtum

Ríkissjóður Íslands gaf í dag út skuldabréf að fjárhæð 750 milljónir evra, jafnvirði um 117 milljarða króna. Skuldabréfin bera 0% fasta vexti og voru gefin út til 7 ára á  ávöxtunarkröfunni 0,117%.

Fjárfestar sýndu útgáfunni mikinn áhuga og nam eftirspurn tæplega 3,5 milljörðum evra eða rúmlega fjórfaldri fjárhæð útgáfunnar. Fjárfestahópurinn samanstendur af bönkum, tryggingafélögum og öðrum fagfjárfestum, aðallega frá Norður-Evrópu. Umsjón útgáfunnar var í höndum Citibank,  Barclays og Deutsche Bank.

„Viðbrögð fjárfesta eru til marks um greiðan aðgang ríkissjóðs að alþjóðamörkuðum og endurspegla traust á styrk okkar og getu til þess að mæta efnahagslegum afleiðingum heimsfaraldursins. Með þessari lántöku treystir ríkissjóður en frekar stöðu sína til lengri tíma, en lausafjárstaða ríkissjóðs er mjög góð um þessar mundir,“ segir Bjarni Benediktsson fjármála- og efnahagsráðherra. 

Í útboðsferlinu bötnuðu kjör ríkissjóðs um 12 punkta frá fyrstu verðleiðsögn. Fjárfestahópurinn taldi vel yfir 150 aðila.  

„Útgáfan nú er í samræmi við stefnu í lánamálum, en aukinni fjárþörf ríkissjóðs á næstu árum verður að hluta til mætt með erlendri lántöku eða með því að hagnýta gjaldeyriseign ríkissjóðs í Seðlabanka Íslands. Markaðsaðstæður eru sérlega hagstæðar um þessar mundir eins og kjör ríkissjóðs nú bera með sér, " segir Bjarni Benediktsson.

Aðrar fréttir

Tilkynning um útboð ríkisbréfa - RIKB 24 0415 - RIKB 42 0217
Flokkur RIKB 24 0415 RIKB 42 0217
ISIN IS0000033009 IS0000033884
Gjalddagi 15.04.2024 17.02.2042
Útboðsdagur 07.10.2022 07.10.2022
Uppgjörsdagur 12.10.2022 12.10.2022
10% viðbót 11.10.2022 11.10.2022

Á útboðsdegi, milli kl. 10:30 og 11:00, fer fram útboð hjá Lánamálum ríkisins á ríkisbréfum í þeim flokkum, með þeim ISIN númerum og með þeim gjalddögum sem fram koma í töflunni hér að ofan. Greiðslur fyrir ríkisbréfin þurfa að berast Seðlabankanum fyrir kl. 14:00 á uppgjörsdegi og verða bréfin afhent rafrænt sama dag. Um 10% viðbótarkaupréttinn gildir 6. gr. í almennum útboðsskilmálum ríkisbréfa.

Að öðru leyti er vísað til lýsingar skuldabréfaflokksins og almennra útboðsskilmála ríkisbréfa á heimasíðu Lánamála ríkisins.

Nánari upplýsingar veitir Oddgeir Gunnarsson, Lánamálum ríkisins í síma 569 9635.

Undirritun aðalmiðlarasamnings við Fossa fjárfestingarbanka hf.

Undirritaður hefur verið samningur milli Lánamála ríkisins f.h. ríkissjóðs og Fossa fjárfestingarbanka hf. í tengslum við útgáfu ríkisverðbréfa og viðskiptavakt á eftirmarkaði.

Samningurinn tekur gildi 13. október 2022 og frá og með þeim degi hafa því fimm fjármálafyrirtæki heimild til að kalla sig „aðalmiðlara með ríkisverðbréf“. Þau eru: Arion banki hf., Fossar fjárfestingarbanki hf., Íslandsbanki hf., Kvika banki hf. og Landsbankinn hf. 

Samningurinn við Fossa fjárfestingarbanka hf. er samhljóða samningum sem gerðir voru við aðra aðalmiðlara 18. mars 2022.

Frekari upplýsingar veitir Björgvin Sighvatsson forstöðumaður Lánamála ríkisins í síma 569 9600.

30.09.22
Ársyfirlit
Ársfjórðungsáætlun í lánamálum ríkissjóðs

Fjórði ársfjórðungur 2022

  • Á fjórða ársfjórðungi verða boðin til sölu ríkisbréf í markflokkum fyrir 13 ma.kr. að söluvirði.
  • Flokkar sem mögulega verða boðnir út eru allir markflokkar ríkisbréfa og munu markaðsaðstæður ráða því hvort og þá hversu mikið verður selt í hverjum flokki.
  • RIKB 23 0515 fellur úr tvíhliða viðskiptavakt um miðjan nóvember mánuð. 

4.ársfj.áætlun 2022