Ríkissjóður kaupir eigin skuldabréf að nafnvirði 204 milljónir evra

27.05.25
Ríkissjóður kaupir eigin skuldabréf að nafnvirði 204 milljónir evra

Ríkissjóður hefur keypt til baka eigin skuldabréf að nafnvirði 203,7 milljónir evra (ISIN: XS2182399274) á verðinu 98,81. Það samsvarar um 29 milljörðum króna. 

Þann 19. maí bauðst ríkissjóður til að kaupa alla útistandandi fjárhæð eigin skuldabréfa sem gefin voru út árið 2020 og eru á gjalddaga 3. júní 2026. Tilboðið stóð til kl. 17.00 þann 23. maí. Heildarnafnverð útgáfunnar nam 500 milljónum evra.

Uppkaupin eru liður í lausafjár- og skuldastýringu ríkissjóðs. Endurkaupin verða greidd með hluta andvirðis evruskuldabréfs sem ríkissjóður gaf út á dögunum.

Til baka

Aðrar fréttir

29.12.25
Ársyfirlit
Ársfjórðungsáætlun í lánamálum ríkissjóðs

Fyrsti ársfjórðungur 2026

  • Á fyrsta ársfjórðungi verða boðin til sölu ríkisbréf fyrir 40-60 ma.kr. að söluvirði.
  • Flokkar sem mögulega verða boðnir út eru allir markflokkar ríkisbréfa og mun stærð þeirra og markaðsaðstæður ráða því hvort og þá hversu mikið verður selt í hverjum flokki.
  • Möguleiki er á skiptiútboðum á RIKS 26 0216 og RIKB 26 1015 á fjórðungnum.

1.ársfj.áætlun 2026

29.12.25
Ársyfirlit
Ársáætlun í lánamálum ríkissjóðs 2026
  • Áætlað er að útgáfa ríkisbréfa nemi 200 ma.kr. að söluvirði árið 2026.
  • Fyrirhugað er að gefa út nýjan óverðtryggðan ríkisbréfaflokk með gjalddaga 2029. Stærð flokka og markaðsaðstæður munu ráða því hversu mikið verður selt í einstökum markflokkum ríkisbréfa.
  • Til greina kemur að mæta lánsfjárþörf ríkissjóðs á árinu að hluta til með ríkisvíxlaútgáfu, hagnýtingu erlendra innstæðna á viðskiptareikningi ríkissjóðs hjá Seðlabanka Íslands og sölu hluta lánasafns Húsnæðissjóðs.

Ársáætlun 2026.pdf