13.05.22
S&P Global Ratings staðfestir A/A-1 lánshæfiseinkunnir ríkissjóðs - horfur eru áfram stöðugar

Alþjóðlega matsfyrirtækið S&P Global Ratings hefur staðfest A/A-1 lánshæfiseinkunnir ríkissjóðs Íslands með stöðugum horfum.

Í fréttatilkynningu S&P kemur fram að efnahagsbati hafi haldið áfram og að hagkerfið hafi vaxið um meira en 4% árið 2021, sér í lagi vegna sterkrar innlendrar eftirspurnar. S&P telur að stríð Rússlands og Úkraínu muni hafa takmörkuð áhrif á íslenska hagkerfið í ljósi lítilla beinna viðskipta við þessi lönd og almennt takmarkaðrar þarfar fyrir eldsneytisinnflutning. Fyrirtækið telur einnig að bati í afkomu ríkissjóðs muni færast í aukana á yfirstandandi ári og að skuldir hins opinbera, að frádregnum lausafjáreignum, muni ná jafnvægi í um 42% af VLF til miðlungslangs tíma.

Stöðugar horfur endurspegla væntingar S&P um að efnahagsbatinn muni halda áfram og að hagkerfið verði fyrir tiltölulega litlum áhrifum af stríðinu í Úkraínu. Fyrirtækið telur að halli á afkomu hins opinbera muni halda áfram að minnka á næstu árum og að því muni skuldahlutfall hins opinbera, að frádregnum lausafjáreignum, ná jafnvægi. Á sama tíma gerir rúmur gjaldeyrisforði Seðlabankanum kleift að takast á við þrýsting á ytri hlið þjóðarbúsins eða gengisóstöðugleika, skyldu slíkar aðstæður koma upp.

Samkvæmt S&P gæti fyrirtækið hækkað lánshæfiseinkunnir ríkissjóðs ef hagvöxtur verður umfram væntingar. Það myndi líklega gerast samhliða sterkari útflutningsvexti og meiri fjölbreytni í útflutningi sem myndu minnka erlendar skuldir eða sveiflur í viðskiptakjörum Íslands.

Fyrirtækið gæti lækkað lánshæfiseinkunnirnar ef áhrif stríðsins í Úkraínu magnast, til dæmis vegna annarrar-umferðar-áhrifa vegna minni efnahagsumsvifa í helstu viðskiptalöndum í Evrópu eða breytinga í alþjóðlegum ferðavenjum. Hið síðarnefnda gæti einnig gerst ef faraldurinn tæki sig upp á ný, sérstaklega ef um væri að ræða ný og skæðari afbrigði.

fréttatilkynning S&P (pdf)

Aðrar fréttir

20.10.25
Ríkisbréf
Viðskiptavakt hefst með RIKS 50 0915

Í framhaldi af útboði sem haldið var föstudaginn 17. október sl. og með vísan til aðalmiðlarasamnings í tengslum við útgáfu ríkisverðbréfa og viðskiptavakt á eftirmarkaði dags. 21. mars 2025, hefur verið ákveðið að hefja viðskiptavakt með RIKS 50 0915 frá og með uppgjörsdegi útboðsins þann 22. október 2025. Aðalmiðlarar verða skuldbundnir til þess að setja fram kaup- og sölutilboð fyrir að lágmarki 50 m.kr. að nafnverði í flokkinn. Frá sama tíma verður fyrirgreiðsla í formi endurhverfra viðskipta til hvers aðalmiðlara 2 ma.kr. að nafnverði.

Starfsfólk Lánamála ríkisins veitir nánari upplýsingar í síma 569 9994. Einnig er hægt að senda tölvupóst á netfangið [email protected].

Tilkynning um útboð ríkisbréfa - RIKS 50 0915 - Skiptiútboð eða greiðsla með reiðufé
Flokkur RIKS 50 0915
ISIN IS0000037794
Gjalddagi 15.09.2050
Útboðsdagur 17.10.2025
Uppgjörsdagur 22.10.2025
10% viðbót 21.10.2025
   
Uppkaupsflokkur RIKS 26 0216
Uppkaupsverð (clean) 98,4800

Á útboðsdegi, milli kl. 10:30 og 11:00, fer fram útboð hjá Lánamálum ríkisins á ríkisbréfum í þeim flokki, með því ISIN númeri og með þeim gjalddaga sem fram kemur í töflunni hér að ofan. Um 10% viðbótarkaupréttinn gildir 6. gr. í almennum útboðsskilmálum ríkisbréfa. Ríkisbréfin verða afhent rafrænt á uppgjörsdegi.

Greiða má fyrir flokkana með reiðufé eða með uppkaupsflokknum á uppkaupsverði.

Greiðsla í reiðufé þarf að berast Seðlabankanum fyrir kl. 14:00 á uppgjörsdegi. Ef greiðsla er í formi bréfa í uppkaupsflokki þarf tilkynning um magn þeirra að berast fyrir kl. 14:00 á útboðsdegi. Í því tilviki er verðmæti uppkaupsbréfanna metið á uppkaupsverði að viðbættum áföllnum vöxtum og verðbótum (þ.e. dirty price).

Lánamál ríkisins greiða ekki þóknun vegna kaupa á RIKS 26 0216.

Að öðru leyti er vísað til lýsingar skuldabréfaflokksins og almennra útboðsskilmála ríkisbréfa á heimasíðu Lánamála ríkisins.

Nánari upplýsingar veitir Oddgeir Gunnarsson, Lánamálum ríkisins í síma 569 9635.